मुस्तांग को मुस्कान

नेपाल कति रमणिय छ भन्नेकुरा सुनेर मात्र कहिल्यै अनुभब गर्न सकिदैन । त्यसका लागि प्रकृतिलाई नजिकबाट अनुभब गर्नैपर्दछ । आउनुहोस आज हामी मुस्ताङको मुस्कानलाई अनुभब गर्न मुस्ताङतिर लागौं ।

मुस्तांग जाने बाटो को लेते भन्ने ठाउँ बाट देखएको मनमोहक दृश्य

आहा कति मनमोहक हिमाल.. जोमसोम जाने बाटोमा 

 काठमाण्डौंबाट एकदिनको यात्रामा पुगिने बेनी बजारबाट मुस्ताङको अनुभब गर्न सुरु गर्न सकिन्छ । बिहान ७ बजेको बसबाट जोमसोम तिरको यात्रा सुरु हुन्छ । बाटाका रमाईला डाडापाखा हेर्दै सुरु हुने बसको अफ्ट्यारो र डरलाग्दो बाटो पनि आखै अगाडिको टिलिल्ल टल्किएका हिमालले कता बिर्साइ दिन्छ कता थाहै हुदैन । 

काली गण्डकी को किनारै किनार.. जोमसोम तिर 

त्यसै "मुस्तांग " अर्थात् मरेको पहाड भनेको हैन.. केहि उम्रिन नसक्ने गरि मरेको छ पहाड 

त्यस दिन जोमसोममा थकाई मारेर भोलिपल्ट हामी मुक्तिनाथ मन्दिर तिरको यात्रामा निस्कन्छौं । त्यो यात्रा झन रमाईलो बन्दै जान्छ, जब तपाई माथि तिर लाग्नुहुन्छ तलतिरको यात्रा तपाईले सम्झिए त्यो फिक्का लाग्न थाल्छ । जति हेरे नि नअघाउने सौन्दर्य देखेर यो मनमा असन्तुष्टि बढेर जान्छ । 

कति चिसो होला त हेर्नुस.. बग्दै गरेको कालिगण्डकी नै जम्यो..

कति चिसो होला त हेर्नुस.. बग्दै गरेको कालिगण्डकी नै जम्यो..

यति सुन्दर ठाउँ पृथ्वीमा कतै होला र भन्या ??

कहिलेकाहि त लाग्छ, संसारको सन्तुष्ट मान्छे नि त्यहा पुगे यो सौन्दर्यसँग असन्तुष्ट भएर नै फर्कन्छ, यसमा दुई मत छैन । 

हरियाली केहि नभए पनि कति सुन्दर छ मुस्तांग को मुस्कान

बल्ल आइपुगियो मुक्तिनाथ मन्दिर..

\

माथि पट्टिको भागबाट मुक्तिनाथ मन्दिर

मुक्तिनाथ पुगेपछि जोसुकै पर्यटक नि आफुलाई स्वर्ग पुगेको अनुभव गर्दै यसरि नै हराउन चाहन्छ..

मलाई लाग्छ जो मान्छे एकपटक मुस्तांग पुग्छ र प्रकृति को आनन्द प्राप्त गर्छ, उसले जिन्दगीमा जिउदै स्वर्गको स्वर्गीय आनन्द प्राप्त गर्ने भाग्यमानी बन्छ .. साच्चै मुस्तांग पुगेर मुस्तांग को मुस्कान संग नभुल्ने मान्छे त मैले बाचुन्जेल देख्न त पाउदिन होला..  त्यसैले संसारको एउटा भाग्यमानी मान्छे बन्न तपाई किन ढिला ??